Author: Sigríður Ásta Pedersen

Þó febrúar sé stysti mánuður ársins þá var hann skemmtilegur og fróðlegur hjá okkur í Hlíðarskóla.

12 febrúar var útivistardagur þar sem nemendur og starfsfólk skellti sér í Hlíðarfjall en hægt er að lesa frétt um það og skoða myndir aðeins neðar á síðunni.

Föstudaginn 6 febrúar og þriðjudaginn 10 febrúar var Þelamörk lokuð og nýttum við tækifærið og gerðum aðra skemmtilega hluti í stað íþrótta- og sundtímans. Á föstudeginum skelltum við okkur öll á skauta sem gekk ótrúlega vel þrátt fyrir að margir hafi verið óreyndir eða með litla skautareynslu.

Á þriðjudeginum gerðumst við svo lánssöm að geta farið í fimleikasalinn við Giljaskóla þar sem nemendur stóðu sig með prýði, gengu vel um og skemmtu sér ótrúlega vel. Við eigum flottann og orkumikinn nemendahóp hér í skólanum og sást það vel á þessum degi.

Valtímarnir okkar voru á sínum stað þar sem ásamt öðru var boðið uppá macrame, hesta, bogfimi og að kíkja yfir til nágrannanna sem eiga ýmisleg skemmtileg og áhugaverð dýr. Einnig fengu nemendur fræðslur hingað í skólann, meðal annars frá Þorgrími Þráinssyni.

16 febrúar var bolludagur og fengu nemendur og starfsmenn hver eina bollu í hádeginu en í boði var að velja á milli vatnsdeigs- eða gerbollu. Eftir þann dag fóru nemendur í vetrarfrí og mættu endurnærðir vikuna á eftir þar sem upp komu skemmtilegar umræður um öskudaginn, búninga og hvað væri versta og besta nammið.

Hægt er að skoða myndir hér.

Fimmtudaginn 12 febrúar var útivistardagur hjá okkur og nutu allir nemendur og starfsmenn dagsins í Hlíðarfjalli. Við gátum ekki beðið um betra veður, það var kalt en gott næstum allan tímann en kom smá vindur og snjókoma síðasta rúmlega klukkutímann. Við deildum fjallinu með öðrum skóla sem var mjög skemmtilegt þar sem margir nemendur þekktu einhverja eða áttu systkini þar. Okkar nemendur nutu dagsins ýmist á skíðum, gönguskíðum eða sleðum og fóru bæði nemendur og starfsfólk glaðir heim eftir daginn þar sem hann gekk glimrandi vel. Fleiri myndir af deginum er hægt að skoða hér.

Lærum í leik fór fram hér í Hlíðarskóla og tókst vægast sagt vel. Nemendur þurftu að leysa þrautir fimm stofum í anda „escape room“. Fyrir hverja þraut sem þau leystu komust þau úr herberginu sem þau voru í og með vísbendingu sem voru stafir. Stafirnir voru síðan notaðir til að setja saman leyniorð sem nemendur sögðu Karen frá og fengu í kjölfarið blað með spurningum og ipad. Rétt svör við spurningunum mynduðu kóða sem nota átti til að opna ipadinn. Sá hópur sem myndi fyrstur ná að opna ipadinn myndi sigra. Mikil spenna var þegar allir hópar voru komnir í matsalinn, hver í sínu horni, að reyna opna sinn ipad.

Undirbúningur dagsins var skemmtilegur en dagurinn sjálfur ennþá betri, miðað við virkni og þátttöku má áætla að svipað fyrirkomulag verði endurtekið við tækifæri. Myndir frá deginum má finna hér.

Þá er fyrsti mánuður ársins búin og var mikið brasað skemmtilegt í Hlíðarskóla.

Við byrjuðum á stórglæsilegri þrettándabrennu sem sló heldur betur í gegn, enda gott að byrja árið á smá útiveru og samverustund. Guðmundur list-og verkgreinakennari náði að fara með flesta nemendur í heimsókn í Fablab í Verkmenntaskólanum sem var mjög áhugavert og mun hann reyna fara með þá sem eru eftir í febrúar mánuði. Valtímarnir eru á sínum stað og hefur slegið í gegn að fara meðal annars í pílu en Orri fór með nokkra á kynningu hjá Ferro Zink að skoða aðstöðuna þeirra.

Krakkarnir náðu að safna saman nægilega mörgum tröllastigum til að fara í 600klifur í hópumbun og þótti það virkilega gaman. Allir byrjuðu í litla salnum í grjótaglímu en svo var hópnum skipt niður og fengu þau að prufa línuklifur ásamt grótaglímu í stóra salnum.

Þar sem gleymdist að setja inn myndalbúmið fyrir desember þá er það að finna hér og myndaalbúmið fyrir janúar er hér.

Þá er desember gengin í garð með allri sinni spennu og gleði. Þann 1 desember var jólaföndurdagur hjá okkur í Hlíðarskóla sem var bæði notalegur og góður. Nokkrir nemendur byrjuðu daginn á að skreyta gluggana í Eymundsson á meðan aðrir voru í allskonar jólabrasi í skólanum.

Eftir hádegið var svo foreldrum/forráðamönnum og systkinum boðið að koma í skólann og föndra allskonar jólalegt með nemendum. Viljum við þakka ykkur kærlega fyrir komuna og var virkilega gaman að sjá svona marga foreldra mæta hér í notalegheitin. Myndir frá deginum er hægt að skoða hér.

Ýmislegt skemmtilegt er á döfinni hjá okkur í mánuðinum og hlökkum við til að deila fleiri myndum af því rétt fyrir jól en vonum að jólastressið fari ekki með ykkur í millitíðinni 🙂

Þá er september liðinn og nýr mánuður tekinn við. Fyrsti mánuður vetrarins var fróðlegur, skemmtilegur og áhugaverður hér í Hlíðarskóla en mikið var um fjöruferðir enda erum við lukkuleg með stórbrotna náttúru í okkar nærumhverfi.

Góða veðrið er vel nýtt hér í skólanum þar sem við erum úti í frímínútum, bjóðum uppá mikla útikennslu og erum með útiíþróttir út september. Við tókum einn íþróttatíma í Kjarnaskógi og einn uppá Jaðarsvelli í gólfi sem heldur betur slógu í gegn. Í útikennslu hefur meðal annars verið poppað yfir eldi, grillað banana, unnir í tréhúsi, raða upp í eldstæði og farið í fótbolta. Fleiri myndir er hægt að skoða hér.

Mikið hefur drifið á daga nemenda Hlíðarskóla.

Apríl var frekar viðburðarlítill fyrir utan við að stelpunum var boðið að skoða Flugskóla Akureyrar þar sem þær fengu að prufa flughermi ásamt kynningu á náminu og samtökunum Flugsystur (linkur fyrir þá sem vilja kynna sér flugsystur). Meðal mynda af stelpunum eru nokkrar úr bryggjuvinnu, frímínútum og göngu í Hálsaskógi (myndir hér).

Maí er ávalt viðburðarmikill í Hliðarskóla og var margt skemmtilegt brallað fyrir utan við skólaferðalögin. Tveir lögregluþjónar kíktu í heimsókn að svara ýmsum spurningum nemenda. Nemendum í 6. bekk var boðið á Hælið að skoða sýninguna um Berklana og þótti mjög áhugaverð. Sinfóníuhljómsveit Norðurlands bauð nemendum í stofu 2 í Hof á sýninguna Pétur og úlfurinn og stofa 1 ásamt einum úr stofu 2 var boðið á leiksýninguna Orra óstöðvandi í Samkomuhúsinu. Nú í byrjun júní fóru nemendur í tvennu lagi á Iðnaðarsafnið og fengu þar að sjá nýju sýninguna um Útgerðarfélag Akureyringa sem varð 80 ára á dögunum ásamt öðrum mjög áhugaverðum sýningum hjá þeim. Myndir úr maí og júní starfinu okkar er að finna hér.

Skólaferðalögin slógu heldur betur í gegn þetta árið og gengu vel. Eldri deildin þvældist í Eyjafirði með tilheyrandi stoppi í sveit þar sem nemandi hafði tengingu þangað, Hælið á Kristnesi, leikfanasafnið, gokarti, frystihús Samherja á Dalvík og skoða sig um á Hjalteyri (myndir hér).

Yngri deildin fór í Skagafjörð í sínu skólaferðalagi með tilheyrandi stoppi á Dalvík og Siglufirði. Þeir nemendur fóru á Síldarminjasafnið, skoðuðu græjur björgunarsveitarinnar á Dalvík, Grettislaus, 1238 safnið og komu við á sveitabæ að skoða lömb (myndir hér).

Í dag voru skólaslit hjá okkur með tilheyrandi hátíðarbrag. Valdi hélt fallega ræðu og rifjaði upp skólaárið og kennarar þökkuðu nemendum fyrir veturinn. Skólaslit reynast stundum erfið þar sem ávalt eru einhverjir nemendur sem fara yfir í annan skóla eða skólastig og kveðjum við þá nemendur með stolti og óskum þeim góðs gengis í framtíðinni. Einnig verða starfsmannabreytingar næsta vetur þar sem þrír kennarar færa sig um stað í annan skóla, þau Baldur, Bryndís og Karl. Viljum við þakka þeim fyrir frábært starf og óskum þeim góðs gengis í framtíðinni (myndir úr skólaslitum hér).

Viljum við þakka nemendum, foreldrum og öðrum aðstandendum fyrir frábæran vetur og óska ykkur gleðilegs sumars. Hlökkum til að sjá og vinna með ykkur næstkomandi vetur.

Í Hlíðarskóla var 1.apríl tekinn alvarlega jafnt af starfsmönnum sem nemendum.
Ítrekaðar tilraunir voru gerðar yfir daginn til að fá aðra til að hlaupa sem gengu misvel.
Besta gabbið þetta árið var þó af höndum starfsmanna þar sem nemendum var sýnd þessi mynd og tilkynnt að frétt um hval sem hefði rekið upp í Skjaldarvík. Allur nemendahópurinn hljóp niður í fjöru í leit að honum en þeim til lítillar gleði var þessi mynd gerð af gervigreind.

Fyrir áhugasama voru nokkrar myndir teknar í mars mánuði í daglegu starfi skólans og er þær að finna hér.

Síðustu vikur hafa nemendur verið að undirbúa gluggaskreytingar og fimmtudaginn 28 nóvember var svo farið og málað þær í glugga Pennans Eymundssonar á Akureyri. Við getum með stolti sagt að Hlíðarskóli hefur hlotið þennan heiður að nærri óslitnu síðan 2008 að skreyta þessa glugga. Á hverju ári hafa nemendur verið okkur til sóma og gert myndir sem skólinn getur verið stoltur af.

Þeir nemendur sem ekki fóru í gluggaskreytingar fengu að skreyta stofuna sína og horfa á jólamynd fyrir hádegi. Eftir hádegi vorum við með jólaföndurdag og bauðst foreldrum/forráðamönnum og öðrum fjölskyldumeðlimum að koma og búa til ýmiskonar jólaskraut með börnunum sínum. Sló það heldur betur í gegn og var góð mæting. Við áttum virkilega huggulega stund með kakó og smákökum yfir skemmtilegu og fjölbreyttu föndri og viljum við þakka ykkur kærlega fyrir komuna.

Einhverjar myndir voru teknar í Pennanum og í jólaföndrinu og hægt er að finna þær hér.

Dagana 16 og 17 október vorum við með þemadaga (sjá myndir hér) þar sem nemendur fengu að kynnast ákveðnum þjóðsögum og vinna svo ýmisleg fjölbreytt verkefni uppúr þeim. Þær sögur sem notast var við voru Bóndinn að Reynistað og huldumaðurinn, Þorgeirsboli, Lagafljótsormurinn, Grettissaga, Bakkabræður og djákninn á Myrká.

Lagafljótsormurinn var búin til úr pizzadeigi, Þorgeirsboli var teiknaður, Bóndinn að Reynistað og huldumaðurinn voru gerðir með storyboard (teiknimyndaforrit), Grettissaga var gerð með stop-motion aðferð, Bakkabræður voru gerðir bæði með leikrænni tjáningu og teiknaðir en nýtt var tækifærið með djáknann á Myrká og farið í vettvangsferð þangað þar sem nemendur fengu að skoða staðinn, sáluhliðið og klukkurnar sem standa þarna enn.