Category: Óflokkað

Dagana15. og 16. október stóðu yfir hetjuþemadagar í Hlíðarskóla. Áður en dagarnir hófust  mynduðu allir nemendur sína eigin hugmynd um ofurhetju og hvaða styrkleikar einkenndu hana og hverjir veikleikar hennar væru. Þannig voru nemendur vel undirbúnir fyrir þau skemmtilegu verkefni sem biðu þeirra.

🎨 Smiðjurnar

Nemendur fóru á milli og unnu verkefni í fimm fjölbreyttum smiðjum þar sem þeir gátu látið sköpunargáfuna fljúga frjálst:

🎬 Teiknimyndasmiðja

Nemendur bjuggu til sínar eigin teiknimyndir og færðu hetjur sínar til lífs í myndum.

⚔️ Hönnunarsmiðja

Hér voru hönnuð merki, spjót, skildir og önnur áhöld sem hæfa hetjunum.

🧵 Saumasmiðja

Skikkjur og grímur voru saumaðar og bættar til að klæða hetjurnar.

🎥 Kvikmyndasmiðja

Nemendur léku, tóku upp og klipptu saman stutta kvikmynd.

🤝 Hetja hópsins

Hóparnir bjuggu til sameiginlega ofurhetju sem samanstóð af hetjum allra í hópnum.

🏆 Hetjuleikarnir

Eftir hádegi seinni daginn fóru fram spennandi hetjuleikar þar sem nemendur kepptu í fimm skemmtilegum greinum. Flestir klæddust skikkjum og grímum sem þau höfðu búið til og báru áhöld sem tilheyrði hetjunum þeirra. Keppt var í :

⚡ Stígvélakasti

🥚 Eggjahlaupi

🏃 Kapphlaupi með sandpoka og hjólbörur

🎒 Pokahlaupi

📝 Raða texta í hetjulagi rétt saman

Að hetjuleikum loknum horfði allur skólinn á stórskemmtilega stuttmynd sem allir nemendur tóku þátt í að búa til og klippa.

Allt tókst virkilega vel og var verulega gaman að fylgjast með samvinnu, sköpun og dugnaði allra nemenda þessa daga.

Við þökkum öllum nemendum, og starfsfólki fyrir frábæra þátttöku í þessum skemmtilegu þemadögum. Það er gaman að sjá samfélag skólans okkar koma saman í sköpun, gleði og samvinnu!

Fleiri myndir frá þemadögunum má sjá á slóðinni: https://photos.app.goo.gl/wQHokvRNuvJtyABU8

Þá er september liðinn og nýr mánuður tekinn við. Fyrsti mánuður vetrarins var fróðlegur, skemmtilegur og áhugaverður hér í Hlíðarskóla en mikið var um fjöruferðir enda erum við lukkuleg með stórbrotna náttúru í okkar nærumhverfi.

Góða veðrið er vel nýtt hér í skólanum þar sem við erum úti í frímínútum, bjóðum uppá mikla útikennslu og erum með útiíþróttir út september. Við tókum einn íþróttatíma í Kjarnaskógi og einn uppá Jaðarsvelli í gólfi sem heldur betur slógu í gegn. Í útikennslu hefur meðal annars verið poppað yfir eldi, grillað banana, unnir í tréhúsi, raða upp í eldstæði og farið í fótbolta. Fleiri myndir er hægt að skoða hér.

Fyrstu vikur skólaársins 2025-2026 hafa einkennst af fjölbreyttri starfsemi þar sem nemendur og starfsfólk hafa nýtt gott veður og tækifæri til að læra utan veggja skólastofunnar. Skólasetningin fór fram 22.ágúst og í kjölfarið hefur farið fram spennandi útinám sem á að hjálpa okkur að mynda tengsl, þjálfa okkur í félagsfærni og samvinnu.

Útikennsla og náttúruupplifun

Nemendur hafa farið í fjölbreyttar náttúruferðir þar sem þeir hafa fengið að upplifa íslenska náttúru í allri sinni fegurð. Ferðir í fjöruna í Skjaldarvík hafa veitt tækifæri til að rannsaka lífríki fjörunnar og síðan var farið í sjóferð með Húna II þar sem við fræddumst um lífríkið í sjónum, fengum að veiða og síðan var aflinn grillaður. Við vorum með göngudag þar sem við gengum frá mjólkursamsölunni og yfir í Kjarnaskóg þar sem við fórum í leiki og enduðum á grillveislu.

Vettvangsferðir og hagnýt nám

Meðal spennandi verkefna hefur verið ferð þar sem nemendur fengu að taka þátt í hagnýtri starfsemi við vötn og læki. Veiddu krakkarnir síli í háfa og settu í ílát. Slík verkefni kenna nemendum mikilvægi umhvernisvitundar og gefa þeim tækifæri til að sjá hvernig náttúrufræði tengist daglegu lífi.

Skólaárið fer vel af stað

Fyrstu vikurnar sýna vel hvað skólinn leggur áherslu á – að nám á sér stað víða, ekki bara í kennslustofum, og að mikilvægt er að efla samkennd og upplifa náttúru landsins. Byrjunin á skólaárinu fer heilt yfir vel á stað þó svo að það séu nóg af áskorunum til að takast á við. Við höldum ótrauð áfram og munum flytja ykkur frekari fréttir af skólastarfinu þegar fram líða stundir.

---

Hér má sjá fleiri myndir úr skólastarfinu

Hliðarskóli verður settur föstudaginn 22.ágúst klukkan 10:30 í matsal skólans.

Nemendur fá stundatöflur sínar og tímaáætlun skólabílsins og fleiri gagnlegar upplýsingar um skólastarfið.

Bjóðum nýja og eldri nemendur og foreldra þeirra hjartanlega velkomin og hlökkum til samstarfsins næstkomandi vetur.

Mikið hefur drifið á daga nemenda Hlíðarskóla.

Apríl var frekar viðburðarlítill fyrir utan við að stelpunum var boðið að skoða Flugskóla Akureyrar þar sem þær fengu að prufa flughermi ásamt kynningu á náminu og samtökunum Flugsystur (linkur fyrir þá sem vilja kynna sér flugsystur). Meðal mynda af stelpunum eru nokkrar úr bryggjuvinnu, frímínútum og göngu í Hálsaskógi (myndir hér).

Maí er ávalt viðburðarmikill í Hliðarskóla og var margt skemmtilegt brallað fyrir utan við skólaferðalögin. Tveir lögregluþjónar kíktu í heimsókn að svara ýmsum spurningum nemenda. Nemendum í 6. bekk var boðið á Hælið að skoða sýninguna um Berklana og þótti mjög áhugaverð. Sinfóníuhljómsveit Norðurlands bauð nemendum í stofu 2 í Hof á sýninguna Pétur og úlfurinn og stofa 1 ásamt einum úr stofu 2 var boðið á leiksýninguna Orra óstöðvandi í Samkomuhúsinu. Nú í byrjun júní fóru nemendur í tvennu lagi á Iðnaðarsafnið og fengu þar að sjá nýju sýninguna um Útgerðarfélag Akureyringa sem varð 80 ára á dögunum ásamt öðrum mjög áhugaverðum sýningum hjá þeim. Myndir úr maí og júní starfinu okkar er að finna hér.

Skólaferðalögin slógu heldur betur í gegn þetta árið og gengu vel. Eldri deildin þvældist í Eyjafirði með tilheyrandi stoppi í sveit þar sem nemandi hafði tengingu þangað, Hælið á Kristnesi, leikfanasafnið, gokarti, frystihús Samherja á Dalvík og skoða sig um á Hjalteyri (myndir hér).

Yngri deildin fór í Skagafjörð í sínu skólaferðalagi með tilheyrandi stoppi á Dalvík og Siglufirði. Þeir nemendur fóru á Síldarminjasafnið, skoðuðu græjur björgunarsveitarinnar á Dalvík, Grettislaus, 1238 safnið og komu við á sveitabæ að skoða lömb (myndir hér).

Í dag voru skólaslit hjá okkur með tilheyrandi hátíðarbrag. Valdi hélt fallega ræðu og rifjaði upp skólaárið og kennarar þökkuðu nemendum fyrir veturinn. Skólaslit reynast stundum erfið þar sem ávalt eru einhverjir nemendur sem fara yfir í annan skóla eða skólastig og kveðjum við þá nemendur með stolti og óskum þeim góðs gengis í framtíðinni. Einnig verða starfsmannabreytingar næsta vetur þar sem þrír kennarar færa sig um stað í annan skóla, þau Baldur, Bryndís og Karl. Viljum við þakka þeim fyrir frábært starf og óskum þeim góðs gengis í framtíðinni (myndir úr skólaslitum hér).

Viljum við þakka nemendum, foreldrum og öðrum aðstandendum fyrir frábæran vetur og óska ykkur gleðilegs sumars. Hlökkum til að sjá og vinna með ykkur næstkomandi vetur.

Skólaslit Hlíðarskóla fara fram í húsnæði skólans fimmtudaginn 5. júní klukkan 10.00.

Ekki verður rúta fyrir nemendur þann dag og er gert ráð fyrir að nemendur komi í fylgd foreldra.

Seinustu vikur hafa verið viðburðaríkar hér í skólanum. Í lok apríl voru haldnir Vorleikar. Um að ræða árlegan viðburð í skólanum sem hefur skipað fastan sess. Nemendur keppa í óhefðbundnum þrautum þar sem reynir á mismunandi færniþætti og heppni. Vorleikarnir heppnuðust mjög vel og enduðu á Áheitahlaupi nemenda og starfsfólks. Áheitahlaupið fer þannig fram að í aðdraganda hlaupsins ganga nemendur á milli starfsfólks og biður um áheit fyrir hverja ferð sem þeir hyggjst ganga/hlaupa upp heimreiðina að skólanum. Einnig söfnuðu nokkrir nemendur áheitum heima fyrir, meðal foreldra og annarra aðstendenda . Áheitasöfnun gekk vel og nemendur stóðu sig einnig virkilega vel í hlaupinu og náðu að safna samtals 225.400 krónum. Að þessu sinni ákváðu nemendur að styrkja ADHD samtökin og verður peningurinn afhentur samtökunum 28.maí næstkomandi. Við viljum þakka aðstandendum nemenda kærlega fyrir þeirra framlög til söfnunarinnar.

Hreinsunardagur var hér í upphafi maí. Þann dag nýttu nemendur til að fegra umhverfið okkar. Fjaran var gengin í norður og suður og söfnuðu nemendur rusli sem skolað hafði á land ásamt því sem dagurinn var nýttur í að laga til á skólalóðinni. Þemadagar voru svo haldnir 13. og 14. maí og var þemað að þessu sinni sjálfbærni. Nemendur fengu fræðslu um hugtakið auk þess sem unnið var að ýmsum verkefnum. Málaðir voru leikir á skólalóðina, merki skólans var málað á stafn skólabyggingarinnar, unnið var að því að smíða kofa undir trjáhúsinu, nemendur lærðu að kveikja eld og grilla sér brauð auk þess sem þeir fóru í ratleik um nágrennið. Hin árlega bátakeppni fór fram. Nemendur hafa í vetur verið að hanna og smíða báta sem þeir hafa lagt mikla natni við að gera sem glæsilegasta. Keppnin var æsispennandi og fór svo að lokum að mjótt var á munum milli sæta. Auk verðlauna fyrir hraðskreiðasta bátinn voru veitt „Skemmu verðlaun“ sem viðurkenning fyrir þá miklu vinnu sem nemendur lögðu í smíði og hönnun bátanna.

Vorinu fylgja gjarnan breytingar og nú í ár er engin undantekning á því. Nokkrir nemendur útskrifast við skólaslit sem fara fram 5. júní en auk þess útskrifaðist einn nemandi í þriðjabekk í seinustu viku. Við óskum honum og fjölskyldu hans alls hins besta um leið og við þökkum fyrir góð kynni og gott samstarf.

Sólveig uppeldisfulltrúi hættir störfum nú um mánaðarmót og eru henni færðar góðar kveðjur og þakkir fyrir allt hennar starf við skólann.

Myndir frá vordögum má finna hér fyrir neðan:

Vorleikar

Þemadagar

Fyrr í vetur sögðum við frá því þegar við misstum nánast allt ræktardótið okkar og var mikil sorg yfir því.

Nú horfir allt til betri vegar. Skólinn fékk góðan styrk úr minningarsjóði Baldvins Rúnarssonar sem gerði okkur kleift að kaupa eitthvað að nýju dóti. Við viljum þakka þeim sem standa að minningarsjóðnum kærlega fyrir styrkinn sem kom svo sannarlega að góðum notum. Einnig viljum við þakka Norður fyrir að taka vel á móti okkur en við gátum keypt ræktardót af þeim á góðu verði ásamt því að fá eitt og annað í kaupbæti. Einnig hafði fólk samband við okkur og vildi gefa okkur tæki og tól.

Það er afskaplega góð tilfinning að finna fyrir slíkum velvilja í garð skólans. Við munum halda ótrauð áfram að byggja upp aðstöðuna í skólanum og gera hana eins góða og völ er á því þessir krakkar eiga það svo sannarlega skilið.

Við fengum heldur betur skemmtilega heimsókn miðvikudaginn 9.apríl þar sem Hilmar lögregluþjónn kom í heimsókn til okkar. Hann spjallaði við krakkana auk þess sem þau spiluðu við hann körfubolta og fengu að grandskoða lögreglubílinn. Markmið samfélagslöggunnar er að auka samfélagslöggæslu og efla traust og tengsl við samfélagið.

Við þökkum löggunni kærlega fyrir komuna og hlökkum til frekara samstarfs.

Hér er hlekkur á myndir frá heimsókninni: https://photos.app.goo.gl/6j8JX6LVPUdVi2hp6

Árshátíð skólans fór fram í gær að viðstöddu miklu fjölmenni. Nemendur og starfsfólk skólans hafði staðið í ströngu í nokkurn tíma og undirbúið hreint frábær atriði sem þau sýndu á hátíðinni. Að þessu sinni var ákveðið að hver bekkur myndi skrifa handrit að stuttmynd sem krakkarnir svo myndu leika í, hanna búninga, taka upp og klippa. Yngstu nemendur skólans bjuggu að auki til tónlistina sem hljómaði í þeirra mynd!

Fjölskyldur nemenda komu svo og áttu góða stund með börnum sínum og starfsfólki og horfðu saman á samtals sex stuttmyndir, hlustuðu á tónlistaratriði og fengu kynningu á tónlistarnáminu sem hefur farið fram í vetur. Hátíðin endaði svo á svokölluðu starfsmannagríni. Hefð hefur skapast fyrir því að á hverri árshátíð fá nemendur að skrifa handrit að stuttmynd þar sem starfsmenn eru teknir fyrir, á kannski svolítið ýktan hátt en þó alltaf á léttum nótum.

Okkur langar til að þakka gestum hátíðarinnar kærlega fyrir komuna og nemendum og starfsfólkinu einnig fyrir afskaplega vel heppnuð atriði og góða skemmtun.

Myndir frá árshátíðinni má finna á þessari slóð: https://photos.app.goo.gl/TX3ksQxiTtYPbYen7