Author: Bjarnhéðinn Jónsson

Þemadagar í ár (myndir í hlekki) voru haldnir þriðjudaginn 14. maí og miðvikudaginn 15. maí. Þemað þetta skiptið var hafið og höfðu bæði nemendur og starfsmenn ótrúlega gaman af.

Á þriðjudeginum byrjaði eldri deildin á að fara Hauganes fram að hádegi þar sem var farið í pottana og vaðið í sjóinn á meðan yngri deildin fór í fjöruna hjá okkur og týndi þar bæði rusl og ýmislegt áhugavert sem hægt var að smíða úr og föndra eins og sést á mynd hér að ofan. Eftir hádegi fóru allir í vinnusmiðjur þar sem hægt var að fara í skartgripagerð, listaverkagerð (mynd að ofan) og teikna myndir tengdar hafinu.

Miðvikudagur byrjaði eins nema yngri skelltu sér í pottana á Hauganesi og eldri fóru í fjöruna hér í Skjaldarvík. Eftir hádegi var svo hin árlega og æsispennandi bátakeppni þar sem allir stóðu sig með prýði og bátarnir ótrúlega flottir. Í þriðja sæti þetta árið var hann Viktor Atli og fékk bronsið, Aron Máni hneppti annað sætið og silfrið en í fyrsta sæti var Jónas Perez ásamt því að fá verðlaun fyrir frumlegasta bátinn (KFC kjúklingaleggur).

Þriðjudaginn 7 maí héldum við í Hlíðarskóla Vorleika og Áheitahlaup 2024 (myndaalbúm í hlekk).
Ákváðu nemendur þá að safna til styrktar leikvallar Hlíðarskóla og náðu góðum árangri.
Sigurvegarar vorleikanna voru:
1. sæti: Svandís Bára Jakobsdóttir
2. sæti: Axel Dusan Þorgeirsson
3. sæti: Jónas Perez Vilhjálmsson

Það er langt síðan við birtum síðast frétt og marg búið að gerast síðan.
Skellum öllu saman í eitt albúm, „Bland í Poka“.
Útikennsludagur, hesthúsaferð, árshátíð, fjöruferð, skautaferð, safnferðir á flugsafn og mótorhjólasafnið.

Miðvikudaginn 7. febrúar var dagur tónlistarskólans og fengum við í Hlíðarskóla þá yndislegu upplifun að fá heimsókn frá tónlistarskóla Akureyrar, þar sem var bæði sungið fyrir okkur og spilað á fiðlur.
Fimmtudagurinn 8. febrúar var síðan útivistardagur Hlíðarskóla. Við vorum rosalega heppin með veðrið, pínu kalt en skínandi sól og skýlaust. Skruppum af og til inn til að fá okkur heitt kakó og grillaðar samlokur. Þeir sem ekki vildu fara uppí fjall voru í skólanum að meðan og fengu að elda sinn eiginn morgunmat og hádegismat 😉
Mánudaginn 12. febrúar, bolludag, fengum við í heimsókn Þorgrím Þráinsson, sem flutti fyrirlesturinn „Verum ástfangin af lífinu“ fyrir 8. – 10. bekk okkur til mikillar ánægju. Að sjálfsögðu fengum við bollur eftir hádegismat.

Myndaalbúm

Í dag byrjaði yngri deild í útifrímínútum í -9°c. Var því kjörið tækifæri að grípa skóflur og sand til að hreyfa sig og kveikt var smá eldur til að ylja sig við. Myndaalbúm.

Fimmtudaginn 30. nóvember var jólaundirbúningsdagur hjá okkur. Nemendur og starfsmenn tóku upp jólaskraut og skreyttu stofur og ganga fram að hádegi. Eftir morgunmat hoppuðum við út til að grilla okkur nokkra sykurpúða. Eftir hádegi komu foreldrar í heimsókn og fóru ásamt nemendum um stöðvar til að búa til jólaskraut. Myndaalbúm.

Fimmtudaginn 23. nóvember var haldið nemendaþyng, þar sem nemendur fengu tækifæri til að ræða saman hvernig þau myndu vilja bæta skólann og námið sitt og var ýmislegt rætt. Einnig var grillað kanilbrauð yfir eldi í góðum félagsskap.
Myndaalbúm.

Nú er að klárast hjá okkur ansi efnismikil vika. Á þriðjudaginn vorum við með hamborgara í matinn, sem nemendur völdu sér í vikunni á undan, en þá var kosið á milli nokkurra rétta eins og kjúkliarétts, plokkfisk, hálfmána með beikonosti o.fl. Á miðvikudaginn fengum við svo körfuboltakörfurnar sem við erum lengi búin að bíða eftir.
Fimmtudagurinn var dagur íslenskrar tungu og brutum við upp hefðbundið skólahald í nokkrar stöðvar sem nemendur gátu flakkað um á milli. Þá var hægt að velja teiknimyndasögugerð, ljóðasmíði, hlaðvarpsáheyrn, kappsmál orðaleiki og lestrarkrók. Eftir þessar stöðvar voru valtímar og endaði dagurinn hjá okkur kl 12.
Í dag, föstudag, byrjaði dagurinn á Skólaráðsfundi, þar sem farið var yfir fjárhagsskýrslu síðasta árs og skýrslu gæðaráðs, innra mat og umbótaráætlun. Mæting á fundinn var nokkuð góð, 8 nemendur ásamt starfsfólki í Skólaráði. Það helsta var að skólinn var rekinn á fjárhagsáætlun ásamt því að miklar umbætur náðust í innra mati.
Næsta vika verður líka áhugaverð hjá okkur en á mánudaginn er dagur mannréttinda barna og svo á fimmtudaginn höldum við nemendaþing.

Myndaalbúm

Gunni og Felix komu í heimsókn til okkar 17. október. Felix talaði við okkur um hvað við værum í raun eins stór fjölskylda, öll sömul, á meðan Gunni fræddi okkur um hvernig við ættum að skrifa sögur. Saman fluttu þeir fyrir okkur 3 lög ásamt dönsum og nutum við öll heimsókn þeirra.
Myndaalbúm

Miðvikudaginn 20. og fimmtudaginn 21. september voru þemadagar hjá okkur í Hlíðarskóla. Viðfangsefnið í ár var Afríka og voru nokkur lönd kynnt af fjórum hópum.

Hver hópur gerði kynningu um sitt eða sín lönd, sem fjölluðu um menningu, mat, nauðsynjar og aðra skemmtilega punkta, ásamt kahoot spurningakeppni.

Einnig unnu hóparnir listaverk með sínum kynningum, eins og píramída, landakort eða fána. Að lokum var hver hópur með mat frá sínum löndum sem bragðaðist yndislega.

Myndaalbúm.